बिहिबार, साउन १४ २०८३
बिहिबार, साउन १४ २०८३
काठमाडौं, कात्तिक, १४–
आज उम्मेदवारको अन्तिम नाम टुंगो लगाउन एमाले बैठक बस्दैछ । एमालेले माओवादीसँग सहमति भैसकेका स्थानमा उम्मेदवारको टुंगो लगाउने तयारी गरेको एमालेका एक नेताले जनाए ।
बैठक मंगलबार बिहान ११ बजेदेखि उपाध्यक्ष वामदेव गौतम निवास भैंसेपाटीमा बस्न लागेको हो ।
एमाले ÷ माओवादी केन्द्रबीचको वाम गठबन्धनले दैलेख, सुर्खेत, सल्यान, झापा र चितवनका केही क्षेत्रबाहेक अन्य क्षेत्रमा उम्मेदवार उठाउनेबारे सहमति जुटाईसकेको छ ।
तैपनि माओवादी र एमालेले आन्तरिक गृहकार्य नसकिएको भन्दै पार्टीको तर्फबाट उम्मेदवारको अन्तिम टुंगो लगाउन सकेका छैनन् । एमालेले सोमबार प्रदेश ७को उम्मेदवारको अन्तिम टुंगो लगाएको छ भने आज बाँकी सबै क्षेत्रका उम्मेदवार टुंग्याउने तयारीमा रहेको जनाएको छ ।
प्रदेश ७ को उम्मेदवार सोमबार टुंगिएको भन्दै एमाले प्रचार विभाग सचिव विष्णु रिजालले आज बिहान ११ बजे बस्ने बैठकले बाँकी सबै क्षेत्रका उम्मेदवारको टुंगो लगाउने जनाए ।
