बिहिबार, साउन १४ २०८३
बिहिबार, साउन १४ २०८३
काठमाडौ कार्तिक ७
नेपाल इन्भेष्टमेन्ट बैैकको ३१ औं बार्षिक साधारण सभा सम्पन्न भएको छ । संचालक समितिका अध्यक्ष पृथ्वीबहादुर पाँडेको अध्यक्षतामा प्रर्दशनीमार्गस्थित राष्ट्रियसभा गृहमा सम्पन्न साधारण सभाले संचालक समितिको प्रतिवेदन पारित गर्नुका साथै आर्थिक वर्ष २०७३–७४ को बैंकको वित्तिय विवरण उपर छलफल गरी स्वीकृत गरेको छ ।
साधारणसभामा संस्थापक शेयरधनीहरुको तर्फबाट चार जना संचालकहरुकोे निर्वाचन गर्ने कार्याक्रम समेत रहेकोमा कविकुमार टिवरेवाला, प्रजन्य राजभण्डारी, सूर्यप्रकाशलाल श्रेष्ठ र पृथ्वीबहादुर पाँडे निविरोध निर्वाचित भएकाछन । साधारणसभाले २०७३–७४ सम्मको संचित मुनाफाबाट २०७४ आषाढ मसान्तमा कायम शेयर पूँजीको १५ प्रतिशत बोनस शेयर र २५ प्रतिशत नगद लाभाश दिने प्रस्ताव समेत पारित गरेको छ ।
बैंकको चुक्ता पूँजी १० अर्ब ६२ करोड (पारित बोनस एक अर्ब ३८ करोड सहित) पुगेको छ जुन नेपालका निजी बैंकहरुमध्ये सबैभन्दा बढी भएको जानकारी बैंकले साधारण सभामा दिएको छ । त्यसै गरी बैंकको सञ्चिति रकम पनि बढेर आठ अर्ब आठ करोड पुगेको छ भने शेयरधनी कोष रकम १८ अर्ब ७० करोड पुगेको छ । यस बंैकको शेयरधनी कोष पनि निजी क्षेत्रका बैंकहरुमध्ये कै सबैभन्दा उच्च रहेको छ ।
बैकले आर्थिक बर्ष २०७३–०७४ मा पाँच अर्ब २४ करोड रुपैयाँ सञ्चालन मुनाफा कमाएको छ । बैंकका अनुसार उक्त नाफा आज २०७२–७३ भन्दा २६ दसमलव सात प्रतिशतले बढी हो । त्यसै गरी खुदनाफा २२ दसमलव एक प्रतिशतले बढेर तीन अर्ब ११ करोड रुपैयाँ पुगेको छ । बैंकको निक्षेप १५ दसमलव सात प्रतिशतले बढेर एक खर्ब २५ अर्ब रुपैयाँ पुगेको छ भने कर्जा लगानी २२ दसमलव छ प्रतिशतले बढेर एक खर्ब छ अर्ब रुपैयाँ पुगेको छ । बैंकको खराब कर्जा (एन.पि.ए.) रेसियो गत वर्षको शुन्य दसमलव ६८ प्रतिशतभन्दा बढेर शुन्य दसमलव ८३ प्रतिशत पुगेपनि आउँदा बर्षमा घटाएर अझ न्यूनतम् स्तरमा लैजाने बैंकले जानकारी दिएको छ । बैंकिङ क्षेत्रलाई थप सक्षम तथा एकिकृत गर्नको निम्ति नेपाल राष्ट्र बैंकले लिएको मर्जर वा प्राप्तीको नितिलाई आत्मसाथ गर्दै नेपाल इन्भेष्टमेण्ट बैंक लि. ले एस डेभलपमेन्ट बैंक लि.लाई प्राप्ती गरी मिति २०७४ आषाढ २९ गतेबाट एकिकृत कारोबार सुरु गरेको हो । एस प्राप्तीपश्चात् बैंकको काठमाण्डौं उपत्यका भित्र २३ तथा उपत्यका बाहिर ३८ गरी जम्मा ६१ वटा शाखा कार्यालय, ३ वटा एक्सटेन्सन काउन्टर तथा ९९ वटा एटिएम पुगेको छ ।
बैंकले ग्राहकवर्गको सुविधा हेतु नेपाल विद्युत प्राधिकरणको विद्युत महसुल संकलन कार्यको लागि सम्झौता गरी मासिक विद्युत महसुल बैंकबाटै भुक्तानी गर्न सबै शाखा तथा इ–बैंकिङमार्फत सेवा सुरुवात गरेको छ । साथै बैंकले सर्वसाधारणलाई सरकारी राजश्व संकलनमा सुलभता होस भन्ने उदेश्यले देशका विभिन्न ११ स्थानका यातायात व्यवस्था कार्यालयमा राजश्व संकलन केन्द्र खोली नयाँ सुविधाको थालनी गरेको छ । बैंकले ग्रामिण क्षेत्रका ग्राहक सेवालाई ध्यानमा राखी प्रदेश अनुसार वित्तीय संजाल नपुगेका क्षेत्रमा शाखा विस्तार गर्ने, समयानुकुल प्रविधिको प्रयोग गरी ग्राहक सेवामा सहजता ल्याउने तथा राष्ट्रको समग्र विकासमा अग्रसर हुने भावी योजना बनाएको छ । बैकले ूदि बंैकरू, फाइनान्सियल टाइम्स, लण्डनद्वारा दिइएको सम्मानजनक ूबैंक अफ दि इयरू उपाधि पाँच पटक प्राप्त गरिसकेको छ भने इक्रा नेपालबाट “क” वर्गको रेटिङ पनि २०६७—०६८ देखि लगातार हासिल गर्दै आइरहेको जानकारी दिएको छ ।
