बिहिबार, साउन १४ २०८३
बिहिबार, साउन १४ २०८३
काठमाडौं साउन, १८–
कमल थापासँग असन्तुष्ट भएर नयाँ दल एकीकृत राष्ट्रिय प्रजातन्त्र पार्टी (राष्ट्रवादी) गठन गरेका डा. प्रकाशचन्द्र लोहनीले नेपालमा अहिले पनि राजसंस्था आवश्यक रहेको बताएका छन् । उनले हिन्दु राष्ट्र पुनःस्थापनाका लागि मुलुकभर अभियान चलाउने घोषणा समेत गरेका छन् । बुधबार जनकपुरमा आयोजित पत्रकार सम्मेलनमा डा. लोहनीले धर्मनिरपेक्षता जनभावना विपरीत को निर्णय भएको दाबी समेत गरे । उनले निर्णय सच्याउन देशभर दवाव सिर्जना गर्ने समेत प्रष्ट पारे । मुलुकमा अहिलेपनि राजसंस्था आवश्यक रहेको भन्दै डा. लोहनीले भने, ‘नेपालको एकताको लागि राजसंस्थाको आवश्यकता छ । राजसंस्था बिना राष्ट्रिय एकताको कल्पना समेत गर्न सकिँदैन ।’
