मंगलबार, कार्तिक १० २०८३
मंगलबार, कार्तिक १० २०८३
बिहिबार, असोज २९ २०८३
पार्टीले तयार पारेको उम्मेदवार छनोटसम्बन्धी प्रस्तावित मापदण्डमा उम्मेदवारको पारिवारिक तथा वैवाहिक अवस्था कानुनी रूपमा वैध र स्पष्ट हुनुपर्ने व्यवस्था समेटिएको छ।
प्रस्तावित मापदण्डअनुसार उम्मेदवार बन्न इच्छुक व्यक्तिले आफ्नो पारिवारिक तथा वैवाहिक अवस्था कानुनी रूपमा पूर्ण वैध रहेको स्वघोषणा गर्नुपर्नेछ। साथै, यससम्बन्धी कुनै विषय लुकाइएको वा विवादित नरहेको सुनिश्चित गर्नुपर्ने व्यवस्था पनि प्रस्ताव गरिएको छ।
रास्वपाले उम्मेदवार छनोटमा वित्तीय तथा आर्थिक शुद्धतालाई समेत महत्त्व दिएको छ। मापदण्डअनुसार मिटरब्याज, सट्टेबाजी, हप्ता असुली, ढुकुटी, हुन्डा तथा सहकारी संस्थाको बचत अपचलनजस्ता अनौपचारिक वा अवैध आर्थिक कारोबारमा प्रत्यक्ष वा अप्रत्यक्ष रूपमा संलग्न नरहेको स्वघोषणा उम्मेदवारले गर्नुपर्नेछ।
त्यस्तै, व्यक्तिगत आचरण र व्यवहारलाई पनि उम्मेदवार छनोटको आधार बनाइएको छ। प्रस्तावित व्यवस्थाअनुसार घरेलु हिंसा, यौनजन्य दुर्व्यवहार तथा सार्वजनिक स्थानमा अमर्यादित व्यवहारमा संलग्न नरहेको व्यक्ति उम्मेदवार बन्न योग्य हुनुपर्नेछ।
डिजिटल माध्यमको दुरुपयोगलाई पनि मापदण्डमा समेटिएको छ। सामाजिक सञ्जालमार्फत साइबर बुलिङ, चरित्र हत्या, अनलाइन ठगी वा अन्य प्रकारका डिजिटल दुर्व्यवहारमा संलग्न नरहेको स्वघोषणा उम्मेदवारले गर्नुपर्ने प्रस्ताव गरिएको छ।
प्रस्तावित मापदण्डले उम्मेदवारको कानुनी तथा पारिवारिक अवस्था, आर्थिक पारदर्शिता र व्यक्तिगत आचरणलाई छनोट प्रक्रियामा महत्त्व दिने देखिएको छ। यद्यपि, यी व्यवस्था प्रस्तावित मापदण्डका रूपमा प्रस्तुत गरिएका छन्।
