मंगलबार, कार्तिक १० २०८३
मंगलबार, कार्तिक १० २०८३
शुक्रबार, असोज १६ २०८३
राष्ट्रिय वाणिज्य बैंकले दशैँ, तिहार तथा छठलगायत २०८३ सालका चाडपर्वलाई लक्षित गर्दै घर तथा सवारी कर्जामा विशेष अफर सार्वजनिक गरेको छ ।
बैंकले चाडपर्व लक्षित योजनाअन्तर्गत ५.५१ प्रतिशत ब्याजदरमा अधिकतम ३ करोड रुपैयाँसम्म घर कर्जा उपलब्ध गराउने भएको छ । घरजग्गा खरिद, घर निर्माण तथा घडेरी खरिदका लागि उपलब्ध हुने उक्त कर्जाको अवधि अधिकतम २० वर्षसम्म रहने बैंकले जनाएको छ । त्यस्तै, विद्युतीय तथा अन्य सबै प्रकारका सवारीसाधन खरिदका लागि ४.९० प्रतिशत ब्याजदरमा अधिकतम १ करोड रुपैयाँसम्म सवारी कर्जा उपलब्ध गराइने भएको छ । सवारी कर्जाको अवधि अधिकतम ७ वर्षसम्म रहनेछ ।
चाडपर्व विशेष अफरअन्तर्गत प्रवाह हुने यी कर्जामा सेवा शुल्कमा समेत उल्लेख्य छुटको व्यवस्था गरिएको बैंकले जनाएको छ । दशैँ, तिहार तथा छठका समयमा घर खरिद तथा निर्माण र सवारीसाधन खरिद गर्ने ग्राहकको संख्या बढ्ने भएकाले ग्राहकलाई सहज र सहुलियतपूर्ण कर्जा उपलब्ध गराउने उद्देश्यले विशेष योजना ल्याइएको बैंकको भनाइ छ। बैंकका अनुसार यो चाडपर्व विशेष कर्जा अफर २०८३ साल कार्तिक मसान्तसम्म मात्र लागू हुनेछ ।
वि.सं. २०२२ साल माघ १० गते पूर्ण सरकारी स्वामित्वमा स्थापना भएको राष्ट्रिय वाणिज्य बैंकले हाल सातवटै प्रदेशका ७७ जिल्ला सदरमुकामसहित दुर्गम क्षेत्रलाई समेत समेटेर सेवा विस्तार गरेको छ । बैंकका देशभर ३१६ शाखा कार्यालय र ३३८ एटीएम टर्मिनल सञ्चालनमा छन् । बैंकले ४९ लाखभन्दा बढी ग्राहकलाई निक्षेप तथा कर्जाका साथै एटीएम, मोबाइल बैंकिङलगायत आधुनिक डिजिटल बैंकिङ सेवा उपलब्ध गराउँदै आएको जनाएको छ ।
