मंगलबार, कार्तिक १० २०८३
मंगलबार, कार्तिक १० २०८३
मंगलबार, असोज १३ २०८३
काठमाडौं । नेपाली बजारमा सुनको मूल्य पछिल्लो दुई दिनमा करिब रु. ९ हजारले घटेको छ ।
नेपाल सुनचाँदी व्यवसायी महासङ्घका अनुसार सोमबार प्रतितोला रु. ५ हजारले घटेको सुनको मूल्य मंगलबार थप रु. ३ हजार ८०० ले घटेको हो ।
मंगलबार छापावाल सुन प्रतितोला रु. २ लाख ९० हजार ५०० मा कारोबार भइरहेको छ । सोमबार सुनको मूल्य प्रतितोला रु. २ लाख ९४ हजार ३०० कायम थियो ।
त्यस्तै, चाँदीको मूल्य पनि पछिल्लो दुई दिनमा प्रतितोला रु. २६० ले घटेको छ । सोमबार रु. १४५ ले घटेको चाँदीको मूल्य मंगलबार थप रु. ११५ ले घटेको हो ।
महासङ्घका अनुसार मंगलबार चाँदी प्रतितोला रु. ४ हजार ३९५ मा कारोबार भइरहेको छ ।
नेपालमा अन्तर्राष्ट्रिय बजारमा कायम हुने मूल्यका आधारमा सुन तथा चाँदीको मूल्य निर्धारण गर्ने गरिएको छ ।
