राईले पनि नैतिकता देखाऊन्

नेपालको प्रशासनिक, न्यायीक र संवैधानिक निकायमा रहेका अधिकारीमाथि निरन्तर विविध प्रकारका प्रश्न उठ्ने क्रम जारी छन्। यहि क्रममा दुईवटा वाइडबडी विमान खरिद प्रकरणमा अख्तियार दुरुपयोग अनुसन्धान आयोगले निर्णय प्रक्रियामा संलग्न आफ्ना प्रमुख आयुक्त प्रेमकुमार राईमाथि अभियोजन नगरेकोमा विशेष अदालतले प्रश्न उठाएपछि उक्त फैसलाले आयोगको वर्तमान नेतृत्वप्रति गम्भीर नैतिक प्रश्न उठाएको विज्ञहरूले बताएका छन्। एक पूर्वन्यायाधीशले राईले पदीय जिम्मेवारी हटेर नैतिकताका आधारमा पद छाड्नुपर्ने टिप्पणी गरेका छन्। आयोगका एक पूर्वप्रमुखले उक्त निर्णयका कारण भ्रष्टाचार नियन्त्रणका लागि स्थापित संवैधानिक निकायका प्रमुखको चरित्रमा दाग लागेको भन्दै आयोगले नै उक्त मुद्दाका सन्दर्भमा पूरक प्रतिवेदन लैजानुपर्ने टिप्पणी गरेका छन्। विज्ञहरूले उनीविरुद्ध महाभियोगको विकल्प पनि रहेको औँल्याएका छन्।

गत मंसिर महिनामा उक्त प्रकरणबारे दिएको फैसलाको पूर्ण पाठ विशेष अदालतले केही दिनअघि मात्रै सार्वजनिक गरेको थियो। त्यसबारे अख्तियार दुरुपयोग अनुसन्धान आयोगका प्रमुख वा पदाधिकारीहरूले अहिलेसम्म कुनै प्रतिक्रिया जनाइसकेका छैनन्। विशेष अदालतका एक भूतपूर्व अध्यक्षले आफूमाथि उठेका प्रश्नका कारण अख्तियार दुरुपयोग अनुसन्धान आयोगका प्रमुख राईले नैतिकताका आधारमा राजीनामा दिनुपर्ने अवस्था रहेको भए पनि भविष्यमा अनुसन्धान र कारबाहीको दायरामा आउनुपर्ने भएकाले उनले पद छाड्ने आफूलाई नलागेको बताएका छन्।

यो प्रकरण के हो? मन्त्रिपरिषदको प्रमुख भएका कारण नीतिगत तहमा नै भ्रष्टाचार भएको भनी माधवकुमार नेपाललाई पूर्वप्रधानमन्त्रीका आधारमा मुद्दा चलाउँदा आफूमाथि प्रश्न उठेपछि राईले पनि भाग्न मिल्दैन। संवैधानिक निकायमाथि विश्वासलाई कायम राख्ने हो भने राईबाट नैतिकताका आधारमा राजीनामा आउनु राम्रो हो। यसअघि पनि अख्तियार जस्तो निकायका लोकमानसिंह कार्कीलगायत निरन्तर प्रमुख भएकामाथि प्रश्न नउठेका होइनन्। यसको निराकरणका लागि मार्ग खोलियस्। नैतिकता देखाउन राई सक्षम बनुन्।