नागरिक लगानी कोषद्वारा २२ प्रतिशत बोनस सेयर दिने घोषणा

काठमाडौं फागुुन, २९–
नागरिक लगानी कोषले २२ प्रतिशतको अनुपातमा बोनस सेयर वितरण गर्ने घोषणा गरेको छ । कोषले आर्थिक बर्ष २०७४—०७५ को खुद मुनाफा मध्येबाट २२ प्रतिशतको अनुुपातमा २४ करोड २५ लाख १७ हजार चार सय ६४ रुपैयाँ बोनस सेयर वितरण गर्ने घोषणा गरेको हो । यसैगरी कर प्रयोजनको लागि एक दशमलव १६ प्रतिशत अर्थात एक करोड २७ लाख ६४ हजार ७७ रुपैयाँ नगद लाभांस वितरण गर्ने प्रस्ताव गरेको कोषले जनाएको छ । लाभांस वितरण सम्वन्धी कोषको यही फागुुन २७ गते बसेको सञ्चालक समितीको बैठकले गरेको निर्णय कोषको आगामी बार्षिक साधारण सभाबाट पारित भएपछि कार्यान्वयनमा आउने छ ।