बिहिबार, साउन १४ २०८३
बिहिबार, साउन १४ २०८३
सप्तरी माघ, ९–
बुधबार बिहान प्रहरी इन्काउन्टरमा सप्तरीमा एक जनाको मृत्यु भएको छ । प्रहरी टोलीसँग सप्तरीको रुपनी नजिकै भएको मुडभेडमा दीपेन्द्र जयसवल भन्ने दीपेन्द्र चौधरी मारिएका हुन् । जनकपुरबाट खटिएको प्रहरी टोलीसँगको मुठभेडमा उनको मृत्यु प्रदेश प्रहरी कार्यालय जनकपुरका प्रमुख हरिबहादुर पालले बताए ।
प्रहरीलाई देख्नेवित्तिकै दीपेन्द्रले प्रहरीलाई नै एक राउण्ड फायरिङ गरेपछि प्रहरीतर्फबाट पनि फायरिङ भएको थियो ।
कारबाहीमा घटनास्थलमै उनको मृत्यु भएको पालले जानकारी दिए । चौधरीमाथि २ गोली लागेको छ ।
एक साताअघि सप्तरीमै प्रहरी हवल्दार महेन्द्र चतरी यादवमाथि गोली प्रहार गरेको घटनामा उनको संलग्नता रहेको प्रहरीले जनाएको छ ।
मोटरसाइकलमा आएका समूहको गोली प्रहारपछि प्रहरी हवल्दार यादव घाइते भएका थिए । सप्तरीको खडक नगरपालिका अन्तरर्गत बोदे बर्साइन जाने बाटोमा ड्युटीमा खटिएका उनीमाथि गोली प्रहार भएको थियो ।
उनी २०७२ सालमा प्रहरी असई रमेश सुब्बाको हत्यामा संलग्न समेत भएका अपराधी भएको बताइएको छ । त्यतिबेला उनले प्रहरीको भ्यानमाथि एम्बुस थापेर सो घटना घटाएको प्रहरीको दाबी छ ।
