बिहिबार, साउन १४ २०८३
बिहिबार, साउन १४ २०८३
काठमाडौं पुस, ४–
प्रहरी महानिरीक्षक (आईजीपी) सर्वेन्द्र खनालले अपराध अनुसन्धानका लागि साधन, स्रोतको अभाव रहेको बताएका छन् । बुधबार ललितपुरमा भएको एक कार्यक्रममा बोल्दै महानिरीक्षक खनालले प्रहरीमाथि औंला ठड्याउँदैमा अपराध अनुसन्धानमा राम्रो नतिजा नआउने प्रष्ट पारे ।
कञ्चनपुरकी १३ वर्षीया निर्मला पन्त प्रकरणमा प्रहरीको आलोचना भइरहेका बेला आईजीपी खनालको यस्तो भनाइ आएको हो । आइजीपी खनालले भने, ‘कुरा नबुझिकन अर्कोले गर्नुपर्ने कामको सन्दर्भमा मात्रै औंला ठड्यायौं भने त्यसले पनि राम्रो नतिजा नदिन सक्छ ।’
‘सबै कुरा म्यानुअल्ली अपरेट गरेर मात्रै हुन्न, ‘ आईजीपी खनालले अघि भने, ‘त्यसमा चाहिने स्टक्चर, त्यसमा चाहिने साधन, स्रोत चाहे त्यो टेक्नोलोजी होस् या भौतिक साधनहरु, त्यो सँगसँगै अगाडि बढाउनु पर्ने आवश्यकता छ । हाम्रो परिपेक्षमा तड्कारो रुपमा आवश्यकता रहेको हामी सबैले अनुभूति गरेका छौं ।’
