बिहिबार, साउन १४ २०८३
बिहिबार, साउन १४ २०८३
काठमाडौं असोज, १७–
काठमाडौंको बालाजुबाट फेरि पाँच किलो सुनसहित एकजना पक्राउ परेका छन् ।
सोमबार बेलुकी महानगरीय प्रहरी परिसरको टोलीले बालाजुको तीनपिप्ले भन्ने स्थानमा चेकजाँच गर्दा पाँच किलो सुन बरामद भएको जनाएको छ ।
सुनसहित रसुवाका १८ वर्षीय सोबहादुर तामाङ पक्राउ परेका हुन् । उक्त सुन रसुवागढी नाकाबाट भित्राइएको प्रहरीले जनाएको छ ।
पक्राउ परेका व्यक्ति भरिया मात्र रहेको र सुन धनी अर्कै व्यक्ति रहेको अनुमानमा प्रहरीको छ ।
प्रहरीले अहिले ११ बजे पत्रकार सम्मेलन आयोजना गरेर उनलाई सार्वजनिक गर्ने तयारी गरेको छ ।
यसअघि ९ असोजमा रसुवाढी नाकाबाटै अवैधरुपमा भित्राइएको तीन किलो सुनसहित टोखाबाट दुई जना पक्राउ परेका थिए ।
सोमबार पनि त्रिभुवन विमानस्थलबाट भारतीय नागरिक विडेश भुनियालाई २ सय ७ ग्राम अवैध सुनसहित प्रहरीले पक्राउ गरेको थियो ।
