मंगलबार, कार्तिक १० २०८३
मंगलबार, कार्तिक १० २०८३
मंगलबार, भाद्र ३० २०८३
भविष्यका ठूला आर्थिक आवश्यकताका लागि आजैदेखि योजना बनाउनु आवश्यक हुन्छ । बालबालिकाको शिक्षा, घर निर्माण, व्यवसाय, विवाह वा अवकाशपछिको जीवन—यी सबैका लागि नियमित बचत गर्ने बानी महत्वपूर्ण हुन्छ । तर बचतसँगै जीवनको जोखिमबाट परिवारलाई सुरक्षा दिनु पनि उत्तिकै आवश्यक हुन्छ।
यही आवश्यकतालाई ध्यानमा राख्दै सन नेपाल लाइफ इन्स्योरेन्स कम्पनी लिमिटेडले ‘सन लाइफ सावधिक जीवन बीमा योजना’ सञ्चालनमा ल्याएको छ । यो मुनाफामा सरिक हुने सावधिक जीवन बीमा योजना हो, जसले नियमित बचत र जीवन बीमाको सुरक्षालाई एउटै योजनामा जोड्छ।
बचतसँगै बीमा सुरक्षा
यस योजनाअन्तर्गत बीमा अवधिसम्म नियमित रूपमा बीमाशुल्क भुक्तानी गरी बीमित बीमा अवधि समाप्तिसम्म जीवित रहेमा बीमांक रकम र नियमानुसार आर्जित बोनस एकमुष्ठ रूपमा प्राप्त गर्न सकिन्छ।
बीमा अवधि समाप्त हुनुअघि बीमितको मृत्यु भएमा बीमांक रकम तथा नियमानुसार आर्जित बोनस इच्छाइएको व्यक्ति वा कानुनी हकवालालाई भुक्तानी हुने व्यवस्था छ । यस योजनामा १८ देखि ६५ वर्षसम्मका व्यक्तिले सहभागी हुन सक्छन् । बीमा अवधि ५ वर्षदेखि ५२ वर्षसम्म हुन सक्ने र अधिकतम परिपक्वता उमेर ७० वर्ष रहेको छ । न्यूनतम बीमांक २५ हजार रूपैयाँ छ । बीमाशुल्क मासिक, त्रैमासिक, अर्धवार्षिक वा वार्षिक रूपमा भुक्तानी गर्न सकिन्छ।
थप सुरक्षा रोज्न सकिने सुविधा
आवश्यकताअनुसार दुर्घटना मृत्यु लाभ, स्थायी अशक्तता तथा बीमाशुल्क छुट, सन मेडिकेयर, घातक रोग र किरिया खर्चजस्ता अतिरिक्त सुविधाहरू लिन सकिने व्यवस्था रहेको छ।
नियमित बचत गर्ने बानीसँगै परिवारको आर्थिक सुरक्षालाई प्राथमिकता दिने व्यक्तिका लागि सावधिक जीवन बीमा उपयोगी वित्तीय योजना बन्न सक्छ । आजको सानो बचतले भोलिको ठूलो आर्थिक आवश्यकता पूरा गर्न सहयोग पुर्याउन सक्छ।
थप जानकारीका लागि कम्पनीको आधिकारिक वेबसाइट सम्पर्क गर्न सकिने कम्पनीले जनाएको छ । हाल सन नेपाल लाइफका देशभर १५० शाखा तथा उपशाखा मार्फत सेवा उपलब्ध रहेको छ।
