पहिलो दिन नैं घट्यो नेप्से, नौं अंकले घट्दा तीन अर्ब ६७ करोडको शेयर किनबेच

साताको पहिलो कारोबार दिन सोमबार नैं नेप्से घटेको छ । नेप्से आज नौं दशमलव शुन्य चार अंकले घटेर २६ सय ४१ दशमलव शुन्य पाँच अंकमा पुगेको छ भने सेन्सिटिभ इन्डेक्स पनि दुई दशमलव २० अंकले घटेर चार सय ६१ दशमलव ३६ अंकमा पुगेको छ । नेप्सेमा आज तीन सय ५२ वटा कम्पनीहरुको ५३ हजार पाँच सय २४ पटकको कारोबारमा एक करोड नौं लाख ६६ हजार सात सय ४५ कित्ता शेयर किनबेच भएको छ भने कारोबार रकम तीन अर्ब ६७ करोड ४४ लाख १९ हजार सात सय ६६ रुपैंयाँ पुगेको छ ।

नेप्सेमा आज १३ वटा समुहहरुको शेयर कारोबार हुँदा चार वटा समुहहरुको सुचक बढेर बाँकी समुहहरुको सुचक घटेका छन् । सो मध्ये जलबिद्युत समुहको सुचक दुई दशमलव ४८ अंकले बढेर तीन हजार सात सय ३२ दशमलव ४४ अंकमा पुगेको छ भने निर्जीवन बीमा समुहको सुचक पनि चार दशमलव ९२ अंकले बढेर १० हजार छ सय १२ दशमलव ११ अंकमा पुगेको छ । यसैगरी उत्पादनमुलक र लघुवित्त समुहको सुचक पनि बढेका छन् । बाँणिज्य बैंक समुहको सुचक १० दशमलव ६५ अंकले घटेर १४ सय ४९ दशमलव ९७ अंकमा पुगेको छ भने फाईनान्स समुहको सुचक पनि नौं दशमलव ८८ अंकले घटेर २३ सय ८८ दशमलव १४ अंकमा पुगेको छ । जीवन बीमा समुहको सुचक पनि ७३ दशमलव ९६ अंकले घटेर ११ हजार सात सय ५४ दशमलव ३२ अंकमा पुगेको छ भने बिकास बैंक, होटल तथा पर्यटन, लगानी, सामुहिक लगानी कोष, अन्य र व्यापार समुहको सुचक पनि घटेका छन् ।

नेप्सेमा आज बढी कमाउने कम्पनीहरुको सुचीमा पहिलो स्थानमा कर्पोरेट डेभलपमेन्ट बैंक परेको छ भने बढी गुमाउने कम्पनीहरुको सुचीमा पहिलो स्थानमा रिलायवल समृद्धि योजना २ परेको छ । यसैगरी बढी रकम कारोबार गर्नै कम्पनीहरुको सुचीमा भने सोलु हाईड्रोपावर कम्पनी लिमिटेड पहिलो स्थानमा परेको छ ।